حالف ماعاتب المحبوب خلي -------- لوجفاني دون ذنب ودون زله
باسمحه لوكان يطلب مهجتلي ------- لو يبي روحي وعيني فدوة له
لن حبه في فؤادي ساطيلي ------ ساكن بافصى الضمير وله محله
هو حياتي هو مماتي هو دوا لي ------ نظرته تبري الحشا والعوق كله
بويديل فوق متنه مستهلي --------- والحواجب مثل خطات الاهله
أحوري هدب عينه مستظلي ----------- مثل عين الريم سودا مستظله
فوق وجناته كما الورد المطلي ---------- مع خدود والخشم كالسيف سله
وان تبسم عن ثناياه وازهن لي ---------- كالبرد والريج يشفي كل عله
عود بان رابين في وسط ظلي ------------ مالي عوده على مطلوب حله
شطني حبه وعل القلب علي ----------- خذ فوادي وانهبه عني وشله
هوب عارف وين اروح وين اولي --------- ضايع ويفوح صدري فوح ( دله )
وين اصد الى خياله شايع لي --------------- بين عيني زول روياه ومثله
لوبغيت اسلى وداده بالتسلي --------------- قام يتزايدعلى قلبي غلا له
ماباشاكي به ولو منه حصل لي ----------- كل مايحصل تراني سامح له
