لو شفت جدامك واحد ابيض ،، ملامحه حليوه
حواجبه شرات جانكيز خان
شعرهم كثيف ناعم ورموشهم طويله
رمستهم كلهاااا يحولونها بالجيم (( جيف حالك ،، جوف ،، جيه ولاجيه ،،))
هنا اعرف ان هذا عيمي بحت العيم ناس هاديه ،، ماتحتك وايد بالطوائف الاخرى
وكلهم ذوووق وادب واحترااام
أحيانا يعورهم انك تسألهم عن الأصل
فيقول لك انا أماراتي أصل وفصل وهو يلوح بــ علم الإمارات جدامك
أو أنه يكتفي بالقول من البحر فهي اهون عليه شوي بس ياويلك لو اهنتهم او جرحت مشاعرهم
راح يردها لك لو تمووت وبيكون العقاب شرات لسعه العقرب
فأتقي شر الحليم أذا غضب
يهالهم
وااايد مرتبين وحلوين ومؤدبين
قبل لايسوي اي شي يستأذن من الماما
ومايرقد إلا قبل مايسمع قصه ماقبل النوم
يحترمون الاكبر عنهم وصوتهم واطي ماتسمع لهم حس بنات العيم
كشيخات ،، متطوراات ،، من قوم الكمبيوتر والأسهم وأخر صيحات الموضه
صعب تلاقي وحده من بينهن ماتعرف في الموضه او الاتكيت
غالبيتهن شاطرات وتحب تكمل تعليمها قبل لاتعرس وتبتلش
أسألها عن الطبخ بتقولك بسير اسأل امايه عنه
يعني موووول مالها خص فالطبخ والكنس والنفخ والشطف شبابهم
شباب مكافحين ويحبون المناصب العوده
فمايدشون جيش وهالسوالف
لان طموحهم اكبر عن جيه
يكمل تعليمه ويشتغل وياخذ ماستر ودكتوراه وحتى لو شي فوقها مايقول لا
مشكلتهم لا صاعوا صاعوااا عدل
فيضيع المذهب ويخترع لك أشياء عمرك ماشفتهاشالكثر مدحو العيم وين راحو العرب ..
بس فديتهن العيم ماشي شراتهن وانا ما قلت شي واتمنى اني اكون عيمية وارمس شرات رمستهم
